يـــوم الجمعــــة الـدمشـــــــــقي ........!!

[size=21]ذكريات يوم الجمعة للدمشقيين لا تنسى ابدا و هو على الاغلب واحد بكل البيوت الدمشقية
بادئه الاستيقاظ الساعة التاسعة صباحا على اروشة الولاد بارض الديار يخرج الاب من غرفة نومه و يتهافت عليه الاطفال بتقبيل يده
يخرج من الغرفة بتكون القهوة جاهزة مع طرطقة صوت البحرة ( ممممممم ما اطيبا )
ينادي الاب الابن الكبير ( تعا يا ولد خود اخوك و روح لعند ابو كاسم الحمصاني قلو بيسلم عيك ابي و زبطلي جاط فتة بسمنة و جاط فول بالزيت )
بيقلو الولد أمرك يابي و بيركض وسط تحمس اخوانه على الفطور الدسم
بيروح الولد بيجيب الفتة و الفول و بتكون امو مجهزة السفرة على الكامل و اكيد مو نسياني البصل و النعنع الاخضر و المخلل و بيبلش الاكل و على قولة الاب قولوا بسم الله الرحمن الرحيم
خلصنا من الفطور و قاموا البنات جهزو الشاي الخمير الاكرك عجم شرب هالاولاد و بلش الجامع يدكر
صوت الاب يلا ياولاد جهزوا حالكون للصلاة
و دغري بلشوا الولاد يتوضوا و يلبسوا هالكلابيات البيضا اللي متل التلج و يتعطروا و بياخدون الاب و على الجامع

بس اكيد الاب مارح ينسى يمرق على اللحام و يقلوا بدنا كيليين لحمة خرج الكباب

خلصت الصلاة طلع الاب من الجامع و ناول ولادو الخرجية و خلاهن يحطوها بصندوق الجامع وسط تذمر الابناء من عمل الاب المتكرر كل يوم جمعة
راح الاب جاب اللحمة و راح على البيت و قال للحريم جهزوا حالكون مشوارنا اليوم على الربوة
( الله يرحم ايام الربوة )
جهزوا حالون هالحريم و طلعو على الربوة و حجزو مصطبة عند ابو احمد و قعدو و اكيد تسكرت المصطبة بالحرامات من كل الجهات ما عدا الجهة اللي بتطل على نهر بردى ( مشان ماحدا يشوف الحريم )
بلشو النسوان بتقطيع السلطة و الاب بشك سياخ الكباب و الولاد بتشعيل النار
و جهزت الاكلة ان شاء الله صحة و هنا و اجا صوت الاب ( لا تنسوا تسموا بالله )
خلصوا اكل الجماعة و بلشت الولاد تنتشر هاد اللي علقان على الشجرة و هاد اللي طالع على الجبل و هاد اللي عم يصيد نمل ووووووووو
و الرجال قاعد و حاطط الاركيلة و قاعدة مرتو قدامو و على قولة ابن عمي و الله جارتنا سعاد جايبة شقفة قماشة بتطير العقل و جارتنا فهمية جايبة اسوارة بتوئف القلب
و هون بيتضحك الرجال و بيقول لمرتو بكرا جهزي حالك مشان تنزلي على السوق بدي ياكي احلى مرة بالحارة
و ووصلت مرتو للي بدا ياها و قالتلو تقبر قلبي ابن عمي يا مسستتني يا مريحني
و بيضحك الرجال و بيقوم يصلي العصر جماعة بولادو
و بيقلون يلا ضبضبوا الغراض و بيبلشو ولادو يابي خلينا بس شوي
بيقوم بيعيط الاب يلا ولا منك لاقلو بيقوموا الولاد بيضبضوا الغراض و هنن عم يوتوتو
و بيرجعوا على البيت هلكانين و هون بيطلع صوت الام ( ماحدا بيفوت على غرفة قبل ما يتحمم ) ( و قريضة تنضيف ان شاء الله )
و اكيد الاب اول واحد على الحمام
و بعدين على النوم لاستقبال يوم عمل حافل باليوم التاني

لكـــم مني احلــى التحيــات

مــلاك القلــب والـــروح

[/size]

زائر

رااااااااااااااااااااائع
تقبلي مروري

رائع ملاك ما كتبتي