يا زينها

يازينها..

ماني عارف وايش أكتب من أبيـات ... من يوم شفتها و أنا مدري ايش فينـي
ماني عارف وايش اقول من كلمـات ... شفتها ونسيت النوم والنـوم نسينـي

من لون عيونها ضاعت كل العبارات ... من يوم شفتها ما قدرت أبعد عينـي
للحين ماني مستوعب ذيك اللحظات ... الظاهر اني فيها انجنيت الله يشفينـي

يوم شفتها تبتسم في وجهي ابتسامات ... حسيت الشمس أشرقت على جبينـي
شفايفهـا وردة ! لا والله انها وردات ... وخشمها سيف يجرحني و يداوينـي

فديت عيونها وفديت ذيك النظـرات ... فديت خدها بروحي وأيامي وسنينـي
صوتها كأنه أنغام وألحان و مقامـات ... نادتني و ياويلي عليهـا يوم تنادينـي

صوتها دوا لكل الأوجاع والآهـات ... وحضنها الـدافي من دفـاه يدفينـي
شفتهـا ولا شفت مثلها بين البنـات ... يازينها ومن زينها ضعت مدري وينـي

أحلف انها ملكة جمال كل الملكـات ... وأنا والله اذا حلفت أصدق في يمينـي
ما أقدر أوصفها بالأشعار والأبيـات ... لأني من يوم شفتها مدري ايش فينـي

! .. كلمات د. أديب بازهيـر

شكرا لمرورك الجميل

دائما بتتركي بصمتك وين ما بتروحي

رااااااااااااااااائع صامد
كلمات في قمة الروووعه
تسلم ايديك ويعطيك الله الف عافيه

تقبل مروري
اسيرة الاحزان

شكرا يا اسيرة على ردك الحلوو

تحياتي